Qishloq xo‘jaligida yuqori hosildorlikka erishish, ilg‘or agrotexnik usullarni ommalashtirish va fermerlar faoliyatini samarali tashkil etish bugungi kunning muhim vazifalaridan biridir.
Shu maqsadda Jarqo‘rg‘on tumanida hokim Ilhom Saparov boshchiligida “Loyqand Chinori” hududidagi paxta maydonlarida amaliy seminar tashkil etildi. Unda g‘o‘za parvarishi, sug‘orish, oziqlantirish, kultivatsiya hamda zararkunandalarga qarshi kurashish bo‘yicha ilg‘or tajribalar amalda ko‘rsatilib, hudud rahbarlari o‘rtasida tajriba almashildi.
Seminar yakunida paxta hosildorligini oshirish uchun agrotexnik tadbirlarni o‘z vaqtida va sifatli amalga oshirish, fermerlar bilan manzilli ishlash hamda ilg‘or tajribalarni keng joriy etish bo‘yicha ustuvor vazifalar belgilab olindi.
