Ishtiyoq bo‘lsa imkon topiladi. Xalqqa xizmat qilishni maqsad qilgan “BOYSUN SURXON MEGA BURGER” MCHJ tomonidan Boysun tumanidagi Yoshlar istirohat bog‘ida “REGISTON BURGER” umumiy ovqatlanish maskani o‘z faoliyatini boshladi.
Istirohat etishni ko‘ngliga tukkan borki, albatta, tamaddi qilmay qaytmaydi. Ana shunday insonlarga mazali va tez tayyor bo‘ladigan taomlarni badastir qilib turguvchi mo‘jazgina oshxona bir vaqtning o‘zida 60-70 nafar mijozga xizmat ko‘rsata oladi. Qolaversa, ishsizlarni ham doimiy ish bilan ta’minlagani ayni muddao bo‘ldi.
Maskanning ochilish marosimi katta shodiyonaga ulanib ketdi. Sektor rahbarlari, nuroniylar, faollarning duolari bilan faoliyat boshlagan maskan, albatta, kelgusida munosib xizmat ko‘rsatadi.
Hilol
