Termiz garnizonida joylashgan harbiy qismlarning birida “Ochiq eshiklar kuni” doirasida o‘quvchi yoshlar ishtirokida “Uch avlod uchrashuvi” hamda “Vatanparvarlik” tadbiri tashkil etildi.
Tadbir davomida yoshlarga Vatanga sadoqat, harbiy xizmatning sharafli burch ekani, shuningdek, yurt tinchligi va xavfsizligini ta’minlashda harbiy xizmatchilarning o‘rni haqida atroflicha tushunchalar berildi. Bugungi globallashuv va turli tahdidlar kuchayib borayotgan davrda yoshlarni vatanparvarlik ruhida tarbiyalash masalasi ayniqsa dolzarb ekani alohida ta’kidlandi.
Shuningdek, ishtirokchilar harbiy qism faoliyati, xizmat sharoitlari hamda zamonaviy harbiy texnika va jihozlar bilan yaqindan tanishish imkoniga ega bo‘lishdi. Ochiq muloqot davomida o‘quvchilar o‘zlarini qiziqtirgan savollarga javob olib, harbiy xizmatga bo‘lgan qiziqishlarini yanada mustahkamlashdi.
Mazkur tadbir yoshlar qalbida Vatanga muhabbat va sadoqat tuyg‘ularini kuchaytirish, ularni yurt himoyasiga tayyor va fidoyi insonlar etib tarbiyalashga xizmat qilmoqda.
S.Bebetov,
Termiz harbiy prokurori yordamchisi, adliya katta leytenanti
