Muqaddas Ramazon oyida mehr-oqibat va xayrli ishlar yurtimizda izchil davom etmoqda. Xususan, Termiz tumanida tuman hokimi Shuxrat Qalandarov tashabbusi bilan 359 nafar kam ta’minlangan oila mahallalar kesimida saralab olinib, ularga mas’ullar biriktirildi.
Biriktirilgan mutasaddilar tomonidan oilalar holidan xabar olinib, moddiy va ma’naviy ko‘mak, zarur oziq-ovqat mahsulotlari yetkazib berilmoqda. Ushbu ezgu tadbirlar Ramazon oyining asl mazmuni — saxovat, shukronalik va insonparvarlik g‘oyalarini amalda namoyon etib, jamiyatda mehr-oqibat va hamjihatlik muhitini yanada mustahkamlashga xizmat qilmoqda.
