Shelkovo Agrohim.uz kompaniyasi tomonidan g‘alla parvarishida qo‘llaniladigan zamonaviy preparatlar fermer xo‘jaliklari va soha mutaxassislariga tanishtirildi.
Taqdimot tadbirida tuman hokimi Otabek Mavlyanov ishtirok ham etdi. Unda g‘alla yetishtirish jarayonida begona o‘tlarga qarshi samarali kurashish, hosildorlikni oshirish hamda agrotexnik tadbirlarni ilmiy asosda tashkil etish masalalari muhokama qilindi.
Mutaxassislar tomonidan preparatlarni qo‘llash tartibi, me’yorlari va kutilayotgan samaradorlik bo‘yicha atroflicha ma’lumot berildi. Shuningdek, fermerlarni qiziqtirgan savollarga javob qaytarilib, amaliy tavsiyalar taqdim etildi.
Tadbir yakunida g‘alla parvarishida innovatsion yondashuvlarni keng joriy etish va fermerlarni zamonaviy agroximiyaviy vositalar bilan qo‘llab-quvvatlash muhimligi ta’kidlandi.
