Boysun tumanida aholi uchun muhim bo‘lgan yangi ko‘prik qurib bitkazildi. Inshoot “Sayrob” mahallasini Obgir qishlog‘i bilan bog‘lab, mahalliy aholiga qulay va xavfsiz transport yo‘lini ta’minlaydi. Qurilish jarayonida seldan himoya qiluvchi beton to‘siqlar o‘rnatildi, shuningdek, 287 metr masofaga asfalt yotqizildi.
Ko‘prikning foydalanishga topshirilishi natijasida hududlararo aloqalar yaxshilanadi, transport harakati yengillashadi va aholining turmush darajasi ko‘tariladi. Mahalla faollari ta’kidlaganidek, endilikda sel oqibatida yo‘l uzilishi, bolalarning maktabga qatnashda qiynalishi kabi muammolar ortda qoladi.
