Tabiat faqatgina go‘zalligi bilan emas, balki unga bo‘lgan munosabatimiz bilan ham qadrlanadi. Shu maqsadda Termiz davlat muhandislik va agrotexnologiyalar universiteti talabalari va professor-o‘qituvchilari O‘zbekiston ekologik partiyasi Surxondaryo viloyati tashkiloti bilan hamkorlikda “Amudaryo dam olish maskani”da Ploging aksiyasini o‘tkazdilar.
Bu tashabbus sport va ekologiyani uyg‘unlashtirgan holda, nafaqat tanani chiniqtirish, balki atrof-muhitni asrashga qaratilgani bilan ahamiyatli bo‘ldi. Talabalar yugurish jarayonida chiqindilarni yig‘ib, maskanni tozalashga o‘z hissasini qo‘shdilar.
Tadbir yakunida esa eng faol ishtirokchilar — ko‘proq chiqindi to‘plagan talabalar O‘zbekiston ekologik partiyasi tomonidan esdalik sovg‘alari bilan taqdirlandi. Bu rag‘bat boshqalarga ham ibrat bo‘ldi. Bunday aksiyalar nafaqat bir hududni tozalaydi, balki yoshlarda ekologik madaniyat va shaxsiy mas’uliyat hissini shakllantiradi. Axir, toza muhit — sog‘lom kelajak garovi.
