“Iste’molchilar uyi” foydalanishga topshirildi

Angor tumanida qad rostlagan o‘ziga xos innovatsion yechimga ega “Iste’molchilar uyi” foydalanishga topshirildi. Yangi maskanning ochilishida tuman hokimi Qosim Mardonov, O‘zbekiston iste’molchilar huquqlarini himoya qilish jamiyatlari federatsiyasi raisi Jahongir Sarimsoqov, viloyat Xalq qabulxonasi mudiri Dilbar Suvonova, nuroniylar va keng jamoatchilik vakillari ishtirok etdi.
Marosimda so‘zga chiqqanlar mazkur bino ochilishi soha xodimlarining faoliyatini samarali tashkil etishlarida alohida ahamiyat kasb etishini ta’kidlashdi. “Iste’molchilar uyi” qoshida “Iste’molchi kutubxonasi” ham tashkil etildi. Kutubxona fondidan O‘zbekiston Respublikasi qonunlari va iste’molchilik sohasidagi munosabatlarni tartibga soluvchi meyoriy hujjatlar, siyosiy-iqtisodiy qo‘llanmalar, ma’rifiy, badiiy, ilmiy-ommabop kitoblar o‘rin olgan.