Milliylikka qaytib…

Xabaringiz bor, mahalla yoshlari o‘rtasida viloyat hokimi kubogi uchun “Milliy xalq o‘yinlari” musobaqalariga start berilgan edi. Ayni kunlarda barcha tuman (shahar)larda ushbu musobaqaning tuman (shahar) bosqichi bo‘lib o‘tmoqda.
Angor tumanida ham musobaqalar qizg‘in tus oldi. Yoshlar milliy xalq o‘yinlarini o‘ynab miriqishdi, chiniqishdi. Unutilib borilayotgan o‘yinlar tanani yanada chiniqtirib, kuch-g‘ayratni oshiradi. Milliylikka, o‘zlikka qaytarib, vaqtni mamunli o‘tkazishga xizmat qiladi. Musobaqalar davomida angorlik yoshlar ham “Yelka kurashi”, “Arqon tortish”da o‘zlarini sinab ko‘rishgan bo‘lishsa, “Tosh ko‘tarish”, “Armrestling”da ham o‘z mahoratlarini namoyon etdilar. Qizlar ham bo‘sh kelishmadi, “Arqonda sakrash” musobaqalarida faollik ko‘rsatishdi.
Yakunda g‘oliblar munosib taqdirlandi.