Qish kunida bahor nafasi

Yo‘llarimiz ravon, ko‘chalarimiz gul-u daraxtga burkangan. Qish faslining izg‘irin kunlarida ham viloyatimiz bo‘ylab yo‘lga otlangan borki, bunday ajoyib manzarani ko‘rib, bahor nafasini his etadi. Bunda, albatta, soha mehnatkashlarining, vohamiz ahlining xizmati nihoyatda katta.
Sariosiyo tuman Obodonlashtirish boshqarmasi xodimlari tomonidan M 41 avtomobil yo‘li bo‘ylab hududlarini obodonlashtirish ishlari olib borilmoqda. Daraxt va buta ko‘chatlarining osti oqlanib, sug‘orish hamda yashil hududlarni agrotexnik talab asosida parvarishlash ishlari qizg‘in tus olgan.