Morxoʻr, ya’ni burama shoxli echki bugungi kunda yo‘qolib borayotgan kamyob jonivorlar turiga mansub. Shuning uchun ham tabiatni muhofaza qilish xalqaro tashkiloti Qizil kitobiga kiritilgan. Uni ovlash qat’iyan taqiqlanadi.
Afsuski, amaldagi qonunchilikka qaramay, morxo‘rlarni go‘shti va terisi uchun ovlashadi. Surxon davlat qo‘riqxonasiga tegishli kengliklarida ayni shunday burama shoxli echki bolasi ovlandi yoki o‘g‘irlab keltildimi, xullas g‘oyib bo‘ldi.
Viloyat ekologiya va atrof-muhitni muhofaza qilish boshqarmasi hamda Surxon davlat qo‘riqxonasi bilan uyushtirilgan reyd tadbirlarida yuk mashinasi to‘xtatilib, tekshirilganda morxo‘r bolasi topildi va o‘z makoniga qaytarildi.
Aybdorlarga beriladigan jarima zora tabiat va hayvonot olamiga zarar yetkazmasliklari uchun yetarli saboq bo‘lsa…
H.Baxtiyorova
