Onlayn tanlovda g‘olib

San’at shunday sohaki, har bir insonni o‘ziga ohanrabodek jalb etib, sehrlab oladi. Ayniqsa, zamonaviy qo‘shiqchilik imkoniyatlari shu qadar kengki, ovoz, ohang bari bir butunlik kasb etadi-da, muxlisga aylanishingizga sabab bo‘ladi. Iqtidor esa o‘z ustida ishlab, mahoratni orttirib borish bilan yanada sayqallanadi.
Oltinsoy tumandagi 15-sonli bolalar musiqa va san’at maktabining akademik xonandalik to‘garagi oʻquvchisi Sadriddin Zayniddinov ham o‘z ustida ishlab, o‘zining musiqiy bilimlarini oshirib boradi. U “Гордость Страны” (Rossiya, Moskva ) xalqaro onlayn bolalar tanlovida ishtirok etib, o‘zini sinab ko‘rdi. Sadriddinning ovoz imkoniyatlari, qo‘shiqchilik mahorati munosib baholanib, faxrli 1-oʻrinni egalladi.