Xalqaro musobaqada…

Bolgariyaning Sofiya shahrida kichik jahon chempionati sanalmish nufuzli “Strandja” xalqaro turniri bo‘lib o‘tdi. Unda boks bo‘yicha O‘zbekiston milliy terma jamoasi ham ishtirok etdi. Musobaqada 28 davlatdan 261 nafar sportchi (178 erkaklar, 83 nafar ayollar) qatnashdi.
Turnirda O‘zbekiston terma jamoasi asosan yosh tarkibda ishtirok etdi. Shunga qaramay, vakillarimiz musobaqa yakuniga ko‘ra 6 ta oltin, 2 ta kumush va 6 ta bronza medalini qo‘lga kiritishdi. Ular orasida Termiz tumani “Nurli diyor” mahallasidan chiqqan bokschimiz Xo‘janazar Nortojiyev 54 kilogramm vazn toifasi bo‘yicha barcha raqiblarini mag‘lub etib, oltin medalni qo‘lga kiritdi.