Termiz-Jidda yo‘nalishida aviareyslar yo‘lga qo‘yildi

Qaysidir chet davlatga chiqish uchun poytaxt orqali borishga to‘g‘ri kelardi. Endi esa yo‘lovchilarga yanada qulaylik yaratish maqsadida Termiz xalqaro aeroportidan to‘g‘ridan-to‘g‘ri Termiz-Jidda yo‘nalishida aviareyslar qatnovi yo‘lga qo‘yildi.
Umra ziyoratchilari “Centrum Air” aviakompaniyasining Airbus-320 rusumli havo kemasida Termizdan to‘g‘ri Jidda shahriga uchish imkoniyatiga ega bo‘ldi. Airbus-320 havo kemasi Termiz-Jidda yo‘nalishida 180 ta yo‘lovchini 4 soatda manzilga yetkazadi. Ha aytgancha, parvozlar har 15 kunda amalga oshiriladi.