Pensiya tayinlash uchun onlayn ariza berish mumkin

Bir necha yil avval pensiyaga chiqish uchun fuqarolarning yaxshigina yelib yugurishlariga, ma’lumotnoma uchun hali u, hali bu davlat idoralarining eshigini qoqishiga to‘g‘ri kelar edi. Endilikda esa bunday sarson-sargardonchilikning oldi olindi. Pensiya yoshiga yetgan fuqarolar ularga pensiya tayinlanishi uchun Yagona interaktiv davlat xizmatlari portali (YAIDXP) orqali (onlayn) murojaat qilishlari mumkin.
Onlayn xizmatdan foydalanish imkoniyatlari bo‘lmagan fuqarolar qo‘shimcha ravishda Davlat xizmatlari markaziga tashrif buyurgan holda pensiya tayinlash uchun murojaat qilishlari mumkin. Shuningdek, fuqarolar pensiya tayinlashni so‘rab, Pensiya jamg‘armasining tuman (shahar) bo‘limiga murojaat qilish huquqlari ham saqlanib qolinmoqda.