200 o‘rinli MTT

Maktabgacha bo‘lgan yoshdagi bolalarni bog‘chaga qamrovini oshirish maqsadida Surxondaryo viloyatining shahar va tumanlarida, chekka va olis qishloq hamda ovullarida davlat, nodavlat maktabgacha ta’lim tashkilotlari faoliyati yo‘lga qo‘yilayotir. U yerlarda yaratilayotgan shart-sharoitlar, tajribali pedagoglarning jalb etilgani esa bolajonlarning bilimli, salohiyatli bo‘lib yetishishiga xizmat qilmoqda. Muzrabot tumanida ham 200 o‘rinli davlat xususiy sherikchilik asosidagi nodavlat maktabgacha ta’lim tashkiloti ish boshladi.
Tadbirkor Olim Xurramov tashabbusi bilan loyiha qiymati – 4 milliard 300 million so‘m bo‘lgan ushbu nodavlat maktabgacha ta’lim tashkiloti yangidan qurilib foydalanishga topshirildi. Ochilish marosimida tuman hokimining o‘rinbosari Sh.Azimov, soha vakillari, mahalla nuroniylari va faollari ishtirok etdi.
Tadbirga tashrif buyurgan mehmonlar bog‘chada bolajonlar uchun yaratilgan shart-sharoitlar bilan yaqindan tanishtirildi.