Yer osti yo‘li foydalanishga topshirildi

Termiz shahrining markaziy ko‘chalaridan biri hisoblangan “Hakim at-Termiziy” ko‘chasida yer osti yo‘li abgor holatga kelib qolgan, qarovsizligidan foydalanilmasdi. Yer osti yo‘li e’tiborga tushdi-yu, u yerda ta’mirlash va obodlashtirish ishlari amalga oshirila boshlandi. Qisqa muddatda ta’mirlash ishlari yakunlanib, ushbu yer osti yo‘li foydalanishga topshirildi.
Marosimda Termiz shahar hokimi O‘.To‘rayev, mutasaddilar, nuroniy otaxon va munis onaxonlar, yoshlar hamda keng jamoatchilik faollari ishtirok etdi. Aytish kerakki, qayta ta’mirlanib, zamonaviy qiyofaga keltirilgan yer osti yo‘li endilikda aholiga yanada qulayliklar keltirishi, texnikalar bilan bog‘liq xavfsizlikni ta’minlashi barchani mamnun etdi.
Nuroniylar osmonimiz doimo musaffo bo‘lishi, yurtimiz tinch, shaharlarimiz yanada rivoj topib boraverishini tilab qo‘llarini duoga ochdilar.