“Oʻzbek tili — qalbim tarjimoni”

Haqiqatan ham til — qalb tarjimonidir. O‘z tilimizning qimmatini anglaganimiz holda o‘zga tillarni o‘rganishga harakat qilamiz. O‘zbek tilining qonuniyatlari yaxshi bilganning boshqa tillarni o‘rganishi oson kechadi. Ha, aslida til o‘rganish ham san’at, ham mahoratdir. 21-oktyabr – O‘zbek tili bayrami kuni sifatida nishonlanar ekan, sana munosabati bilan oliy taʼlim muassasalari xorijiy talabalari oʻrtasida “Oʻzbek tili — qalbim tarjimoni” tanlovi o‘tkazildi.
Tanlov ishtirokchilarining bir necha bosqichdan o‘tib, finalga yetib kelishlari oson kechmadi. Xorijlik talaba-yoshlarning o‘zbek tilini nechog‘lik bilishlari siashta bo‘lgan tanlovning yakuniy bosqichida ishtirokchilar erkin mavzuda chiqishlar bilan qatnashishadi.
G‘oliblar bilan bir qatorda faol ishtirokchilar “Eng yaxshi o‘zbek tili targ‘ibotchisi”, “O‘zbek tili – qalbim g‘ururi”, “Men o‘zbek tilini yaxshi ko‘raman” nominatsiyalari va rag‘batlantiruvchi mukofotlar bilan e’tirof etildi.
“Eng yaxshi o‘zbek tili targ‘ibotchisi” nominatsiyasi bo‘yicha Termiz muhandislik-texnologiya instituti talabasi Rasuli Xoliddin g‘olib deb topildi.