Surxondaryo viloyati hokimi Ulug‘bek Qosimov tomonidan Angor tumanida qishloq xo‘jaligida suv resurslaridan samarali foydalanish, suv tejovchi texnologiyalarni joriy etish hamda irrigatsiya infratuzilmasini yaxshilash bo‘yicha amalga oshirilayotgan ishlar o‘rganildi.
O‘rganish jarayonida tegishli tashkilotlar, soha mutasaddilari hamda fermer xo‘jaliklari vakillari ishtirok etdi. Tumanda 4 450 gektar paxta maydonlarida suv tejovchi texnologiyalarni qo‘llash, ariq va kanallarni betonlash ishlarini jadallashtirish masalalari muhokama qilindi.
Angor tumanida Suv yetkazib berish davlat muassasasi tasarrufidagi 30 kilometr, shuningdek, «Zamin Angor kluster» MCHJ va fermer xo‘jaliklariga tegishli bo‘lgan 167 kilometr ariqlarni betonlash ishlarini kuz-qish mavsumida to‘liq yakunlash bo‘yicha topshiriqlar berildi.
