Bugun “Surxon-500” podstansiyasida AT-1 avtotransformatorida reja asosida sinov ishlari amalga oshirilmoqda. Mazkur jarayon doirasida malakali mutaxassislar hamda tezkor brigadalar tomonidan elektr tarmoqlari va podstansiya uskunalari batafsil tekshirilib, ularning texnik holati puxta nazoratdan o‘tkazilmoqda.
Sinov jarayonida yuzaga kelgan uzilishlar sabablarini aniqlash, shuningdek, mavjud nosozliklarni imkon qadar qisqa muddatda bartaraf etish maqsadida zarur choralar ko‘rilmoqda. Hozirda mutaxassislar tomonidan texnik ko‘rsatkichlar tahlil qilinib, xavfsiz va barqaror elektr ta’minotini tiklash bo‘yicha ishlar jadallik bilan olib borilmoqda.
Shu bilan birga, iste’molchilarga elektr energiyasini uzluksiz yetkazib berish maqsadida muqobil elektr tarmoqlari orqali kuchlanish berilgan. Bu esa aholining va ijtimoiy soha obyektlarining elektr ta’minotida keskin uzilishlarning oldini olishga xizmat qilmoqda.
Sinov va tiklash ishlari yakunlangach, elektr ta’minoti to‘liq barqaror holatga keltirilishi rejalashtirilgan. Mazkur jarayon bo‘yicha qo‘shimcha ma’lumotlar taqdim etib boriladi.
