An’ana tusini oldi

Milliy liboslarimiz qizlarimiz egniga biram yarashib, milliylikni, milliy qadriyatlarimizni qadrlashga o‘rgatadi. Shu sababdan ham har yili “Xon atlas” festivalini o‘tkazish an’anaga aylandi. Ushbu an’anaga muvofiq tarzda Termiz shahridagi Prezident maktabida ham “Xon atlas” festivali tashkil etildi.
Festivalda o‘quvchi-qizlar atlas, adras matolaridan tikilgan milliy liboslarda xalqimizning ko‘hna tarixini, yigitlarimiz esa o‘zbek milliy do‘ppilari va kiyimlarida xalqimizning moddiy va ma’naviy boyliklarini namoyon etishdi. Podiumga chiqqan qizlarning liboslari tomoshabinlarning e’tiborini tortib, qiziqishlarini oshirdi.