Noqonuniy ko‘mir olganlar jarimaga tortildi

Ehtiyojimiz uchun o‘tin, ko‘mir, elektr energiya, gaz, suv kerak. Ammo bularning barini sarflash, xarid qilish uchun ma’lum mablag‘ talab etiladi. Boysun tumanidagi bir guruh fuqarolar esa ayni jihatni unutdi shekilli ko‘mirni tekinga egalik qilishni istashdi va noqonuniy tarzda qazib olishmoqchi bo‘lishdi.
Tuman Ekologiya bo‘limi davlat inspektorlari tomonidan “uch mushketyor”ning bu qilmishi zumda aniqlanib, tegishli chora-tadbirlar amalga oshirildi. Holat yuzasidan O‘zbekiston Respublikasi Ma’muriy javobgarlik to‘g‘risidagi kodeksning 70-moddasi 1-qismi bilan BHMning 10 barobari 3 million 400 ming so‘m miqdorida ma’muriy jarima qo‘llanildi. Umid qilamizki, ko‘rilgan chora ularni halol yashashi uchun tegishli xulosa chiqarishiga xizmat qiladi.