Kasb-hunarga yo‘naltirilmoqda…

Maktabni bitirayotgan o‘quvchilar katta hayot ostonasida turgan yoshlardir. Ular oliy ta’lim sari yoki tadbirkorlik faoliyatini boshlash uchun qadam tashlash niyati bilan yonishayotir. Kimdir ma’lum ixtisoslik bo‘yicha fanlarni o‘zlashtirayotgan, xorijiy tillarni o‘rganayotgan bo‘lsa, yana kimlardir kasb yoki hunar sirlarini egallayotgan bo‘ladi.
Bitiruvchi sinf o‘quvchilarini kasb-hunarga yo‘naltirish, kelgusida mustaqil hayotda o‘z o‘rinlarini topishlarida ko‘maklashish maqsadida Termiz shahri va Angor tumanidagi umumta’lim maktablarining yuqori sinf o‘quvchilari ishtirokida hududlardagi ishlab chiqarish korxonalari, monomarkaz va boshqa qator manzillarga sayohatlar uyushtirildi.
Bunda o‘quvchilar kasb-hunar egalarining faoliyati bilan yaqindan tanishib, o‘zlarini qiziqtirgan savollariga javob olishdi.