Xitoy tajribasi asosida

Sholichilikda Surxondaryo viloyatining-da o‘ziga yarasha tajribasi, sholichilik maktabi bo‘lsa-da, bu borada Xitoyga raqobatlasha olmasligi aniq. Sababi Xitoy sholikorlik uchun xos va mos iqim sharoitiga ega hudud bo‘lib, mahalliy aholi azaldan sholichilik bilan shug‘ullanib keladi. Sohadagi yutuq va muvaffaqiyatlar ham shunga yarasha, albatta. Ana shunday boy tajriba yurtimizda ham sinab ko‘rilsa, foydadan holi bo‘lmasligi aniq. Ayni maqsadda O‘zbekiston va Xitoyning BGI kompaniyasi vakillari o‘rtasida muzokaralar tashkil etilib, O‘zbekistonda sholi va boshqa ekinlarning maxsus navlarini joriy etish bo‘yicha tajriba almashish masalalari muhokama etildi.
BGI kompaniyasi vitse-prezidenti Terens Sion kompaniya faoliyati bilan o‘zbek tomonini tanishtirdi. Uning aytishicha, sholining maxsus navi bugungi kunda Guandun va Guansi provinsiyalari dalalarida sinovdan o‘tkazilgan va yuqori hosildorlik bilan birga suv hamda ishchi kuchini tejash bo‘yicha yaxshi natijalar ko‘rsatgan. Mazkur maxsus nav Osiyoning janubiy mamlakatlarida ham sinovdan o‘tkazilishi ma’lum qilindi. Tomonlar, shuningdek, O‘zbekistonda amalga oshirilayotgan qo‘shma loyihalar holati xususida ham fikr almashdilar.