“Milliy liboslar – millat koʻzgusi”

Date:

O‘zbek qizining bor go‘zalligi va jozibasi milly liboslarimiz bilan yanada uyg‘unlik kasb etadi. Atlas-u adras, parcha va beqasamlarning milliy uslubda tikilishi, kashta naqshlari bilan zeb berilishi, yana milliy taqinchoqlarimiz butun bir kolleksiyani tashkil etadi. Afsuski, bunday kolleksiyalar to‘y-hashamlarda, bayram-u sayllarda kiyiladigan bo‘lib qolgan.


Nega endi hamma narsadan zamonaviylik, yangi uslub yaratayotganlar milliy mato va liboslarimizdan yangilik qilishmaydi. Qizlarimiz sochlarini qirq kokil qilib o‘rib, atlas-u adrasni yarashtirib kiyishmaydi. Bu kabi savollar ko‘p bor tug‘iladi. Albatta, javoblar, yondashuv va fikrlar turlicha. Ammo, Termiz iqtisodiyot va servis universitetida Surxondaryo viloyati hokimligi, Oliy taʼlim, fan va innovatsiyalar vazirligi viloyat hududiy boshqarmasi hamda viloyat oila va xotin-qizlar boshqarmasi hamkorligida “Milliy liboslar – millat koʻzgusi” mavzusida tashkil etilgan konferensiyada ko‘pchilikning fikri bir joydan chiqdi.


Konferensiyada ishtirok etgan respublikamizning va vohamizning taniqli, ko‘zga ko‘ringan va hurmatli ayollari yoshlarga o‘zlarining qimmatli fikrlarini bildirishdi. Milliy liboslarimizning ahamiyati haqida so‘zladilar. Qolaversa, kiyinish odobi, madaniyati, milliy liboslarning tarixi va buguni, mavjud muammo va kamchiliklar boʻyicha fikrlar keng muhokama va qiziqarli munozaralarga sabab bo‘ldi. Asosiysi, yoshlar o‘tkazgan vaqtiga achinmadilar.

H.Kamolova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Boysunda piknik zonalar bor…

Bahor go‘zal fasl. Yon-atrofning ajib ko‘rinish kasb etishi kishini...

29 nafar ishsiz ishli bo‘ldi

Ishsizlarni “qayerda ish bor-u ishlasam bo‘lar ekan”, degan savol...

“O‘zimiz keldik”

Mualliflik huquqi haqida bilasizmi? Bunday huquqlarimiz qonunchilik yo‘li bilan...

Ekologik normalarga rioya qilinmasa…

Ekologiyani asrash borasida bong urayotgan bir paytda ba’zi ishbilarmon...
KunTun
KunTun