Samarqand viloyatida milliy sport turi bo‘lmish O‘zbek jang san’atining Kompleks mashq, Temuriylar jang usuli, Ko‘rgazmali chiqish hamda “Assalom tong” yo‘nalishlari bo‘yicha O‘zbekiston kubogi musobaqasi bo‘lib o‘tdi. Keskin va murosasiz kechgan bellashuvlarda viloyatimiz sharafini 128 nafar ma’nan va jismonan barkamol sportchilarimiz munosib himoya qilishdi.
Oydin va mardona olishuvlar yakunida viloyatimiz terma jamoasining 55 nafar a’zosi shohsupaga ko‘tarilib, navbatdagi ulkan g‘alabani qo‘lga kiritishdi:
🥇 12 ta — 1-o‘rin (Oltin medal)
🥈 17 ta — 2-o‘rin (Kumush medal)
🥉 26 ta — 3-o‘rin (Bronza medal).
Milliy g‘ururimiz va sportimiz dovrug‘ini munosib himoya qilgan sportchilarimizni hamda ularning murabbiylarini ushbu zalvorli muvaffaqiyat bilan muborakbod etamiz!
