Yoshlar sportini ommalashtirish, ularning bo‘sh vaqtini mazmunli tashkil etish hamda iqtidorli sportchilarni qo‘llab-quvvatlashga qaratilgan “Besh tashabbus olimpiadasi” doirasidagi voleybol musobaqasi Termizda yuqori saviyada yakunlandi.
Termiz shahridagi Kurash majmuasida voleybol bo‘yicha “Ichki ishlar vaziri kubogi” musobaqasining Respublika bosqichi g‘oliblarini taqdirlash marosimi bo‘lib o‘tdi.
Musobaqada 16–21 hamda 22–30 yosh toifalarida mamlakatimizning turli hududlaridan 280 nafar qiz ishtirok etib, kuch va mahoratini namoyish etdi.
16–21 yosh toifasida:🥇 1-o‘rin — Surxondaryo viloyati, Sherobod tumani, Boyqishloq mahallasi;
🥈 2-o‘rin — Samarqand viloyati, Pastarg‘om tumani, Sanchiqul mahallasi;
🥉 3-o‘rin — Buxoro shahri, Yoshlik mahallasi.22–30 yosh toifasida:
🥇 1-o‘rin — Namangan viloyati, Yangiqo‘rg‘on tumani, Mash’al mahallasi;
🥈 2-o‘rin — Farg‘ona viloyati, Qo‘shtepa tumani, Do‘stlik mahallasi;
🥉 3-o‘rin — Surxondaryo viloyati, Denov tumani, O‘zgarish mahallasi.
G‘olib va sovrindor jamoalarga kubok, medal, diplom hamda esdalik sovg‘alari tantanali ravishda topshirildi.
Musobaqa yoshlar orasida sog‘lom turmush tarzini targ‘ib etish, qizlarning sportga bo‘lgan qiziqishini yanada oshirish va hududlarda voleybol rivojiga yangi turtki berishi bilan ahamiyatli bo‘ldi.
