USTOZLAR UCHUN KATTA BAYRAM TADBIRI TASHKIL ETILDI

Date:

Ustoz nomi har qanday davrda ham ulug‘langan. Ularga hurmat va ehtirom bajo keltirilgan. O‘z navbatida bugungi ta’lim sohasiga qaratilgan e’tibor, amalga oshirilgan islohotlar soha egalarining nufuzini oshirish bilan birga ularga katta talablar ham qo‘ymoqda.

Zahmatli kasb egalari ana shunday shiddat bilan o‘zgarayotgan, talab va majburiyatlar kuchaygan bir paytda ham sharaf bilan mehnat qilishyapti. Tinimsiz harakatlar bilan o‘z ustilarida ishlab kelajak avlod taqdiri uchun daxldorlik hissi ila o‘z mahorat va iqtidorlarini namoyish etishyapti. Vohada o‘z bilim va malakasi bilan hamkasblariga o‘rnak bo‘layotgan, o‘quvchilari ko‘plab nufuzli tanlovlarda g‘olib bo‘layotgan ustoz va murabbiylar bisyor. Ana shunday el e’zozida bo‘lgan ustozlar bayram munosabati bilan Qiziriq tumanidagi “Istara” to‘yxonasida tashkil etilgan bayram tadbiriga taklif etildi.

Tuman hokimi R.Pardayev jonkuyar ustozlarni bayram bilan samimiy qutlab, ularning zahmatli mehnatini, fidoyiligini e’tirof etdi. Shundan so‘ng, bir guruh faxriy ustozlar hamda hozirda faoliyat yuritayotgan ustoz va murabbiylarga faxriy yorliq hamda qimmatbaho sovg‘alar ulashdi.

Ajoyib bezatilgan dasturxonda bir piyola choy ustida bayram sababchilari dildan suhbatlashishdi. Tayyorlangan bayram dasturi, diltortar kuy-qo‘shiqlar davraga o‘zgacha fayz kiritdi. Ustozlar mazza qilib raqs tushdilar.

Sohibjamol

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Har mahalladan 2 nafar dasturchi…

Dunyoda IT sohasi shu darajada rivojlanib ketyaptiki, biror tashkilotga...

Uzilish bartaraf etildi

Bir necha kunki, Surxondaryo viloyatida qor yog‘ib, havo harorati...

Yosh matematiklar aniqlanmoqda

Maktab ta’limi davomida o‘qilgan bilimlar tanlovlar, tadbirlar, fan olimpiadalarida...

166 TA QONUNBUZILISH HOLATLARI ANIQLANDI

Kadastr agentligi Surxondaryo viloyati boshqarmasi, tuman, shahar bo‘limlari tomonidan...
KunTun
KunTun