Badiiy gimnastika sport turining viloyat bosqichi bo‘lib o‘tdi

Date:

Har birimiz ideal bo‘lishga intilamiz. Bu tashqi ko‘rinishimiz-u ruhiyatimizda ham namoyon bo‘ladi. To‘g‘ri, bu insonga xos xususiyat. Ayniqsa, ortiqcha vazn to‘plamaslik, qomatni risoladagidek saqlash nozik xilqat egalari uchun eng muhim jihatlardir. Sport mashg‘ulotlariga doimiy qatnash yaxshi, ammo bu yanada qiziqarli bo‘lsa, mashg‘ulotlarga sho‘ng‘ib ketish hech gap emas. Jismoniy rivojlanish sohalaridan biri bu gimnastika.
Gimnastika ham o‘z tarixiga ega va davrlar silsilasidan sayqallanib, rivoj topib, takomillashib bordi. Eng muhim jihati shundaki, gimnastika bilan shug‘ullanishni erta bolalikdan boshlash va unga moslasha olish shart.

Tasma yoki halqa bilan musiqa ohangiga mos nozik harakatlar badiiy gimnastikaning nafis san’at turi darajasiga ko‘tarib qo‘yadi. Tomoshabin sahnadagi holatdan, gimnastikachining harakatlaridan zavq oladi. Sariosiyo tumanidagi 1-sonli Bolalar va o‘smirlar sport maktabida “O‘zbekiston Respublikasi Davlat mustaqilligining 31 yilligi” hamda 1-oktyabr — O‘qituvchi va murabbiylar kuni munosabati bilan sportning badiiy gimnastika turi bo‘yicha bo‘lib o‘tgan “Gimnastika malikalari” sport musobaqasining viloyat bosqichida ishtirokchi qizlar o‘z san’atini namoyish etdilar.

Oqqush misol ko‘rinish bergan qizlar o‘z chiqishlari bilan barchani o‘zlariga qaratishdi. O‘ziga xos harakatlar bilan mahoratlarini namoyish etgan nodir iste’dod sohibalarining chiqishlarini baholash hakamlar hay’ati uchun ham mushkul jarayonga aylangani aniq.

Birinchi o‘ringa Sariosiyo tumanining gimnastikachi malikalari munosib ko‘rildi. Termiz shahri nomini himoya qilgan jamoa ikkinchi, uzunlik gimnastikachilar esa uchinchi o‘rinni egallashdi. Yakunda g‘olib va sovrindorlar tashkilotchilarning medal, diplom hamda estalik sovg‘alari bilan taqdirlandi.

Hilol

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Har mahalladan 2 nafar dasturchi…

Dunyoda IT sohasi shu darajada rivojlanib ketyaptiki, biror tashkilotga...

Uzilish bartaraf etildi

Bir necha kunki, Surxondaryo viloyatida qor yog‘ib, havo harorati...

Yosh matematiklar aniqlanmoqda

Maktab ta’limi davomida o‘qilgan bilimlar tanlovlar, tadbirlar, fan olimpiadalarida...

166 TA QONUNBUZILISH HOLATLARI ANIQLANDI

Kadastr agentligi Surxondaryo viloyati boshqarmasi, tuman, shahar bo‘limlari tomonidan...
KunTun
KunTun