Qo‘g‘irchoq teatri jamoasining bolalarga tuhfasi

Date:

Quyon va Tipratikan haqidagi ertakni ko‘p eshitganmiz. Ularning poyga uyushtirib, Tipratikanning firibi sabab g‘olib bo‘lgani haqidagi multfilm esa hozir tomosha qilgandek yodimizda. To‘g‘ri-da, maqtanchoqlikning, birovning ustidan kulishning oqibati shunday bo‘ladi, degan o‘y ham xayolimizdan o‘tgani aniq. Ha, ertaklar ana shunday qudratga ega. Ular bizni yaxshilikka, ezgulikka chorlaydi. Illatlardan qochib, fazilatli bo‘lishga undaydi. Demak, ertag-u hikoyalar, umuman badiiy adabiyotlarlar hamrohimiz bo‘lar ekan, ma’nan, ruhan undan kuch olamiz.

Ta’lim va tarbiya olish bilan mashg‘ul o‘quvchi-yoshlarni adabiyotga, san’atga, kitobxonlikka jalb etish orqali ma’naviy dunyoqarashini o‘stirish maqsadida maktablarda doimiy tarzda tadbirlar, uchrashuvlar, adabiy kechalar uyushtirilib turiladi. Termiz shahridagi 9-umumta’lim maktabiga Surxondaryo viloyat qo‘g‘irchoq teatri ijodiy jamoasining tashrifi o‘quvchilarni xursand qildi.
Sababi ular quruqqo‘l bilan emas, yangi ijodiy mahsullari bo‘lmish — ajoyib sahna tomoshasini taqdim etish uchun kelishgan.

1-7-sinf o‘quvchilari hukmiga havola etilgan “G‘aroyib musobaqa” nomli asar quyon va tipratikanning sarguzashtlari haqida. Namoyish kulguli sahnalarga boy bo‘lishi bilan birga kishini o‘ylashga, mushohada etishga chorlaydi. Spektakl yosh tomoshabinlar qalbida vatanparvarlik, odillik, to‘g‘riso‘zlik va mardlik tuyg‘ularini mustahkamlashga, yaxshilik doimo yomonlik ustidan g‘alaba qozonishiga ishonchni mustahkamlaydi.
Rejissyor B.Imomov tomonidan sahnalashtirilgan ushbu asar bolajonlarda unutilmas taassurotlar qoldirdi.

Hilol

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Yo‘llar ta’mirlanmoqda…

Yo‘l xavfsizligi inson umrining garovidir deb bejiz aytmagan. Mahallada...

“Inklyuziv ta’lim” loyihasining istiqbollari muhokama qilindi

2023-yil oktyabr oyidan Maktabgacha ta’lim agentligi bilan hamkorlikda YUNISEF...

Huquqiy masalalar o‘rganildi

Har bir oilaning o‘z tashvishi va muammosi bo‘ladi. Bu...

65 nafar xotin-qiz tikuv mashinali bo‘ldi

Subsidiya asosida fuqarolar nafaqat yangi uy, balki yangidan yangi...
KunTun
KunTun