Xotin-qizlar tadbirkorlikka o‘qitilmoqda

Date:

Bugungi kunda viloyatimizda ishsiz xotin-qizlarni kasb-hunarga o‘qitish, ularni tadbirkorlik sohasiga jalb qilish, ijtimoiy yordam ko‘rsatish bo‘yicha viloyatimizning “Ishga marhamat” monomarkazlari, kasbga o‘qitish maskanlari faoliyati yo‘lga qo‘yilgan.

Qumqo‘rg‘on tumanida ham joriy yilda “Nurli diyor”, “Jaloir” va “Yangi shahar” mahalla fuqarolari yig‘inlaridan 99 nafar tinglovchi kasb o‘rganib, bepul ta’lim oldi.
Tashkil etilgan o‘quv kurslarda tinglovchilarga biznes va tadbirkorlik oliy maktabi Surxondaryo viloyat hududiy filiali tomonidan tadbirkorlik faoliyatini boshlash va olib borish, biznes g‘oya, tashkiliy va hujjat yuritish, kredit va kredit liniyalari, soliq va buxgalteriya hisobi, eksport va import operatsiyalari, IT informatsion texnologiyalaridan foydalanish hamda hokim yordamchilari tomonidan “Har bir oila-tadbirkor” davlat dasturi doirasida beriladigan kreditlar to‘g‘risida batafsil tushuntirishlar berildi.

Ushbu o‘quv jarayonlarini tashkillashtirishda tumandagi “Nurli diyor” mahallasi hokim yordamchisi Q.Mamatqulov tashabbus ko‘rsatdi. Aytish kerakki, tinglovchilar kurslarni tamomlagach, sertifikat sohibiga aylanib, imtiyozli kredit olish imkoniyatiga ega bo‘lishadi.
O‘quv kurslari yakunida har bir tinglovchi tomonidan biznes-reja taqdimotlari o‘tkazilib o‘rnatilgan tartibda test topshirildi va testdan muvaffaqiyatli o‘tgan tinglovchilarga sertifikat taqdim etildi.

I.Qodirov,
Biznes va tadbirkorlik oliy maktabi Surxondaryo
viloyat hududiy filiali bosh mutaxassisi

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

TISU talabalari o‘qishni Turkiyada davom ettiradimi?

Chumchuq so‘ysa ham qassob so‘ysin deyishganidek, til o‘rganishda ham...

Pilla mavsumiga start berildi

Joriy yil pilla hosili uchun birinchi mavsumga start berildi....

Ijodkor yoshlar bellashdi

Ijodkor, qo‘liga qalam tutib, nasr yoki nazmda ijod qilishni...

Mehmonlar yuksak saviyada kutib olinadi

Joriy yilning 1-7-may kunlari “Boysun bahori” xalqaro festivali bo‘lib...
KunTun
KunTun