Tog‘li o‘shorliklarning orzusi ushaldi

Date:

Voha markazidan qariyb 200 kilometr olisda, baland tog‘lar qo‘ynida Denov tumanining so‘lim O‘shor qishlog‘i joylashgan. Bu manzilda ham hayot qaynaydi. Odamlar turmush tashvishlari bilan kun-u tun harakatda, tinimsiz mehnat bilan band. Qishloqdagi to‘rt mingga yaqin aholining yarmi esa yoshlar. O‘shorliklar ham o‘zlarida shahardagidek bo‘lmasa-da, har tugul kerakli shart-shaoit yaratilishini orzu qilishadi. Bundan uch yil avval viloyat hokimi To‘ra Bobolov ham ayni shu maqsadda, ularni eshitish, muammolarini hal qilib, o‘shorliklar bilan dildan suhbatlashish uchun O‘shor qishlog‘iga brogan edi. samimiy qishloq ahli esa tibbiyot muassasasi va maktabgacha ta’lim tashkiloti qurib berilishida amaliy yordam so‘ragan edi.

O‘tgan yili zamonaviy oilaviy shifokorlik punkti bunyod etilib, Zarur tibbiy asbob-uskuna va jihozlar bilan ta’minlangan holda foydalanishga topshirilgani o‘shorliklarni quvontirib, jonlariga ora kirgan bo‘lsa, ularning yana bir murojaati hal etilib, 120 o‘rinli 43-davlat maktabgacha ta’lim muassasasi tuhfa etilgani haqiqiy bayramga aylanib ketdi. Kelajak avlod taqdiri uchun muhim poydevor vazifasini o‘taydigan ushbu maskanda bolajonlar risoladagidek tarbiyalanishadi. Dunyoni anglab, boshlang‘ich ta’lim-tarbiyani olishadi.
Ikki qavatli maktabgacha ta’lim tashkilotini qurishga 4 milliard 714 million so‘m mablag‘ sarflanib, barcha zamonaviy sharoitlar yaratildi. Mebel va boshqa zarur jihozlar bilan jihozlandi. Va ushbu dargohda 18 nafar pedagog-tarbiyachi va boshqa xodimlar bandligi ta’minlandi.

Yangi maktabgacha ta’lim tashkilotining foydalanishga topshirilish jarayoniga qishloq nuroniylari, ota-onalar va bolajonlar ishtirok etdi.

Hilol

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

O‘z ishidan mamnun

Ba’zi fuqarolar osh bo‘lsa-yu, ish bo‘lmasa, qabilida ish tutishni,...

Somonpoya qoldiqlarini yoqishga chek qo‘yildi

Ba’zan ekologiyani asrab-avaylash haqidagi chiqishlarimiz, targ‘ibot-tashviqotlarimiz odamlar qulog‘iga yetib...

Bolajonlar ardoqda

Inson tabiatan mo‘’tadillikni yaxshi ko‘radi. Me’yoridan ortiq issiq ham,...

Luqmani harom qilmang!

Insonning salomatligi ko‘p hollarda u iste’mol qilayotgan oziq-ovqat mahsulotlariga...
KunTun
KunTun