Musiqa cholgʻu asboblari topshirildi

Date:

San’atga oshno ko‘ngildan yomonlik kutmaymiz. Ular har qanday illatlarni virusdek yuqtiravermaydi. Boshqacha aytganda immuniteti kuchli bo‘ladi. Bo‘sh vaqtini besamar o‘tkazmaydi-da, sevimli mashg‘ulotlari bilan band bo‘ladi. Shuning uchun ham bolani yoshlikdan biror san’at turi bilan, albatta, qiziqish va iqtidorini inobatga olib, shug‘ullanishi uchun sharoit yaratmoq darkor. Yoshlar ta’lim-tarbiya olayotgan maktablarda buning uchun yetarli imkoniyat bo‘lsa ha-ho‘p. Aks holdachi?..
Afsuslar bilan aytish kerakki, birorta ham musiqiy cholg‘u asboblari mavjud bo‘lmagan ta’lim muassasalari ham bor. Ayni shu muammo qiynagan yoshlar bir oy avval Angor tumanida rahbarlar ishtirokida bo‘lgan ochiq muloqotda ushbu masalalar bo‘yicha murojaat qilib, takliflar bildirgan edi.

Taklif o‘rganilgach, qisqa muddatda oʻquvchilarning boʻsh vaqtini mazmunli tashkil etish, madaniyat va san’atga jalb qilish maqsadida tuman hokimligi tomonidan tumandagi 13-sonli maktab o‘quvchilariga musiqa cholgʻu asboblari topshirildi. Bu ilk qadam, ishonamiz bunday amaliy tashabbuslar barcha maktablarda bo‘y ko‘rsatadi.

Hilol

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

SHEROBODDA G‘O‘ZA OCHILDI

Paxtakorlar javlon urib mehnat qilishgan bo‘lsa, dalalarda g‘o‘zalarning qiyg‘os...

Oylik doirasida…

Onlayn savdo orqali pulini o‘tkazib berganingizdan so‘ng, xaridingizni yetib...

Hosilga hosil qo‘shadi

Angor tumanida 4734 gektar maydonga go‘za ekilgan bo‘lib, hozirgi...

Odamlar nima deydi?

Erta tongdan ishga otlanishimni kuzatadigan oyim doimo sinchkovlik bilan...
KunTun
KunTun