Hosildorlik va sifat muhim

Date:

Qishloq xo‘jaligida amalga oshirilayotgan yirik loyihalar yoshlar uchun yangi ish o‘rinlari yaratib, ularning daromad topish imkoniyatlarini kengaytirmoqda. Bunday tashabbuslar hudud iqtisodiyotini rivojlantirish bilan birga, zamonaviy agrotexnologiyalarni joriy etishga ham xizmat qiladi.

Surxondaryo viloyati hokimi Ulug‘bek Qosimov Muzrabot tumaniga tashrifi davomida “Biznes Logistik” MChJ tomonidan 200 gektar maydonda yetishtirilayotgan erta pishar qovun navlari — “Aeroport”, “Dakara” va “F1” bilan tanishdi. Loyihada agrotexnik tadbirlarga rioya etish, hosildorlik va mahsulot sifatini oshirishga alohida e’tibor qaratilmoqda.

Shuningdek, mahsulotlarni saralash, qadoqlash va eksportga tayyorlash jarayonlarini zamonaviy talablar asosida tashkil etish hamda tashqi bozorlarga chiqish imkoniyatlarini kengaytirish bo‘yicha topshiriqlar berildi. Mazkur loyiha nafaqat eksport salohiyatini oshiradi, balki aholi, ayniqsa yoshlar bandligini ta’minlashda muhim ahamiyat kasb etadi. Ayni paytda hosilning dastlabki bosqichi pishish arafasida bo‘lib, aprel oyi yakunida mahsulotlar bozorga va eksportga yo‘naltirilishi rejalashtirilgan.

Ushbu loyiha hududda qishloq xo‘jaligini modernizatsiya qilish, eksport hajmini oshirish va yangi ish o‘rinlari yaratishda muhim omil bo‘lib xizmat qilmoqda. Natijada esa iqtisodiy o‘sish va aholi farovonligi ta’minlanadi.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Har bir xonadon daromadli bo‘lishi kerak

Denov tumanida “Kambag‘allikdan farovonlik sari” dasturi doirasida aholi bandligini...

Murosa va muloqot — oilaviy barqarorlik omili

Oiladagi kelishmovchiliklarni o‘z vaqtida aniqlash va ularni bartaraf etish,...

Tabiatga e’tibor — amaliy tashabbuslarda

Atrof-muhitni asrash va ekologik madaniyatni yuksaltirish faqat targ‘ibot bilan...

Yashil hududlar kengaytirilmoqda

Yo‘l infratuzilmasini obodonlashtirish bilan birga, uning atrofida yashil hududlarni...
KunTun
KunTun