Prezident yig‘ilishda bank kreditlaridan samarali foydalanilmayotganini tanqid qilib, agar resurslar to‘g‘ri yo‘naltirilganida qo‘shimcha 36 ming ish o‘rni yaratilishi va 60 ming fuqaroning daromadi “soya” iqtisodiyotidan chiqishi mumkinligini ta’kidladi.
Shu bois endilikda loyiha tanlash va kredit ajratishda sun’iy intellektdan foydalanish dolzarb vazifa sifatida belgilandi. Biroq hududiy bank xodimlarini bu yo‘nalishda tayyorlash ishlari sustligi qayd etildi.
Mas’ullarga tuman bankirlarini sun’iy intellekt asosida ishlashga o‘qitish hamda banklarda “Sun’iy intellekt maslahatchisi” platformasini joriy etish topshirildi. Mazkur tizim tadbirkorlarga loyiha samaradorligi, risklar va bozor talabini tahlil qilib, kredit olishda aniq va asosli yechimlar taqdim etadi.
