Sportni rivojlantirish va yosh iqtidorlarni kashf etishda respublika miqyosidagi musobaqalar muhim ahamiyat kasb etadi. Bunday bellashuvlar sportchilarning mahoratini oshirib, ularni katta yutuqlarga ruhlantiradi.
Toshkent shahrida erkin kurash bo‘yicha kattalar o‘rtasida o‘tkazilgan O‘zbekiston kubogi musobaqasi yuqori saviyada yakunlandi. Unda Jarqo‘rg‘on tuman sport maktabi vakillari ham munosib ishtirok etib, 86 kg vaznda Otabek Salomov 2-o‘rinni egallagan bo‘lsa, 125 kg vaznda Namoz Abdurashidov barcha raqiblarini mag‘lub etib 1-o‘rinni qo‘lga kiritdi. Ushbu yutuqlarda murabbiy N. Umbarqulovning hissasi alohida e’tirof etildi.
Mazkur natijalar sportchilarimizning yuqori tayyorgarligi va mehnatsevarligini ko‘rsatib, Surxondaryo sport maktabi nufuzini yanada oshirishga xizmat qiladi.
