Ushbu kontent faqat obunachilar uchun
Surxondaryo viloyat hokimligida faollar yigʼilishi boʼlib oʼtdi. Unda viloyat hokimi Toʼra Bobolov, Davlat soliq qoʼmitasi raisi Sherzod Kudbiev, Xalq deputatlari viloyat Kengashi deputatlari, hokimlik apparati masʼul xodimlari, huquqni muhofaza qiluvchi idoralar, viloyat davlat soliq boshqarmasining shahar va tumanlar boʼlim boshliqlari, korxona va tashkilotlar rahbarlari ishtirok etdi.
Yigʼilishda soʼzga chiqqan Davlat soliq qoʼmitasi raisi Sh.Kudbiev Prezidentning tegishli qarori bilan Surxondaryo viloyati Davlat soliq boshqarmasi boshligʼi Sirojiddin Eshmatov Davlat soliq qoʼmitasi raisining oʼrinbosari lavozimiga tayinlanganligi munosabati bilan viloyat davlat soliq boshqarmasi boshligʼi lavozimiga shu kungacha Jizzax viloyati davlat soliq boshqarmasi boshligʼining birinchi oʼrinbosari lavozimida ishlab kelayotgan Erkin Narmanov tayinlanganligini maʼlum qildi.
