Navbur va Hakimobodda ko‘chma tibbiyot punkti

Yurtimizda tibbiyot sohasiga qaratilayotgan e’tibor sabab, bugungi kunda chekka-chekka hududlardagi insonlar ham o‘z sihat-salomatligini tiklash uchun uzoqqa borib o‘tirishiga hojat qolmadi. Sababi chekka hududarda ham poliklinika, qishloq vrachlik punkti-yu, klinikalar faoliyati yo‘lga qo‘yilgan va u yerlar kerakli tibbiy asbob-uskuna va jihozlar bilan, qolaversa, tajribali mutaxassislar bilan ta’minlangan.
Bu esa aholiga katta qulaylik tug‘diradi. Xuddi shunday Sherobod tumanidagi “Navbur” va “Hakimobod” mahallalari aholisi uchun xizmat qiladigan ko‘chma tibbiyot punkti ochildi.
Tibbiyot punktining ochilish marosimida mahalla aholi vakillari hamda keksa otaxonlar ishtirok etdi. Ushbu tibbiyot punkti bemorlar salomatligini tiklash uchun kerakli bo‘lgan barcha jihozlar bilan ta’minlangan va har ikki mahalla aholisi uchun xizmat ko‘rsatadigan sharoitlar mujassam. Ha aytgancha, ushbu tibbiyot maskani mazkur ikkala mahallaning 2300 nafar aholisiga xizmat ko‘rsatadi.