Yurtimizning janubiy o‘lkasi ahlini Yaratgan eng sarxil ne’matlar bilan siylagan. Aks holda meva va sabzavotlar eng avval Surxondaryoda pishib yetilib, voha ahli bahramand bo‘lishiga nima deysiz? Fikrimizga isbot sifatida gilos, o‘rik, qovun-tarvuz pishganidan xabar bergan bo‘lsak, bu safar Termiz tumanining “Xalqobod” mahallasidagi xonadonlarning birida uzumning ertapishar, chillaki navi pishib yetilganini aytmoqchimiz.
Aytish kerakki, odatda tumanda uzumning bu navi yozning iyun oyi boshlarida pishardi. Bu yil esa ob-havoning o‘ziga xos kelganligimi yoki qarov sababdanmi, uzumlarga rang va maza ertaroq kirdi. Bog‘bonlar belni mahkam bog‘lab, pishgan uzum boshlarini uzib terib olib, xalqimiz dasturxoniga tortiq qilish harakatidalar.
Hilol
