Quyoshli yurtning imkoniyatlaridan foydalanib, elektr energiyasiga aylantirish aholi uchun katta qulaylik yaratadi. Xalq manfaatini ko‘zlagan davlatimizda esa bu boradagi ishlar amalda allaqachon boshlab yuborilgan. Shu maqsadda Boysun tumani hokimi B.Shukurov Turkiyaning Sistronik Sistem kompaniyasi ishtirokida quyosh panellari va quyosh nurlanishini elektr energiyasiga aylantirishga xizmat qiladigan muhandislik tuzilmasi yuzasidan muzokara olib bordi.
Ushbu nufuzli kompaniya muhandislik dizayni xizmatlarini, loyihalarni rejalashtirish va 0,4 kv-500 kv oralig‘idagi yuqori voltli loyihalar uchun kommutatorlar, elektr uzatish liniyalari, tarqatish markazlari kabi amaliy yechimlarni ishlab chiqish, bundan tashqari, ushbu obyektlarda dizayn, yetkazib berish, o‘rnatish, sinovdan o‘tkazish va ishga tushirishni birlashtirgan tizimli yondashuv yordamida tizim integratsiyasini ta’minlaydi.
Kompaniyaning Yevropa, Amerika va Rossiya standartlarini mukammal biladigan xodimlari xizmati evaziga loyiha muvaffaqiyatli amalga oshirilishi rejalashtirilgan.
S.Davlatova
