Mahalla ko‘chalaridan kezib, eshik qoqib, hol so‘rasangiz, muammolar, takliflar va g‘oyalar yog‘ilaveradi. Shu sababdan ham mas’ullarning uyma-uy yurib, aholining yashash sharoiti va muammolarini o‘rganishni boshlashgani bejizga emas. Bu jarayon viloyatimiz bo‘ylab davom etayotir.
Angor tumanidagi birinchi sektor hududida joylashgan “Guliston” mahallasida 2654 nafar aholi istiqomat qiladi. Shuncha fuqaroning ko‘ngliga qo‘l solsangiz, ularning ham o‘z aytadigan gapi bor. Kimdir tadbirkorlik qilish istagida, yana kimdir ishsizligidan gap ochadi. Nuroniylarni tibbiy ko‘rikdan o‘tkazish masalasi ham ochiqlanadi.
Mana shunday taklif va masalalar esa qo‘llab-quvvatlanib, ko‘plab tadbirkorlik faoliyati yo‘lga qo‘yiladigan bo‘ldi. Qisqa muddatlarda ishsizlar bandligi ta’minlanadi. Shuningdek, nuroniylar tibbiy ko‘rikdan o‘tkazilib, kerakli davo choralari ko‘rildi. Bepul dori-darmon vositalari bilan ta’minlanishi ham yoshi ulug‘larimizning mushkulini oson qilgan bo‘lsa, ajab emas.
Hilol
