O.R Sangardak tog‘laridan kasal qushni topib oldi. Sariosiyo tumanining “Afrosiyob” mahallasida yashovchi do‘sti M.Oga parvarish qilish uchun olib keldi. Bu qush qumoy bo‘lib, yirtqish qushlar sinfiga mansub. Demak, o‘z-o‘zidan ayonki, bu yovvoyi qushni uyda, xonaki ravishda saqlash mumkin emas.
Shu vaqtning o‘zida O‘zbekiston Qizil kitobiga kiritilgan qumoy (oqbosh) aholi xonadonlarining birida saqlanayotgani aks etgan videomurojaat yuzasidan Surxondaryo viloyati Ekologiya va Milliy gvardiyalari boshqarmasi xodimlari tomonidan tezkor o‘rganish ishlari olib borildi. O‘rganishlarda qumoy Sariosiyo tumanining “Afrosiyob” mahallasida yashovchi fuqaro M.Oning uyida saqlanayotgani aniqlandi. Mutaxassislar fuqaro bilan tushuntirish ishlarini olib borishganidan so‘ng, fuqaro qumoyni o‘z ixtiyori bilan davlat inspektorlariga topshirdi.
Qumoyning sog‘lig‘ini tekshirish va unga kerakli bo‘lgan parvarishlarni qilish uchun vaqtinchalik Termiz hayvonot bog‘ining veterinar xodimlariga topshirildi.
Hilol
