Angor tumani Yangi turmush mahallasidan o‘tuvchi Abu Iso at-Termiziy ko‘chasida piyodalar uchun yer usti yo‘lagi barpo etilmoqda.
Serqatnov ko‘chadagi “Angor kelajagi savdo kompleksi” MChJ va “Vanora” savdo majmuasi oralig‘ida qurilayotgan inshoot piyodalarning xavfsiz harakatlanishi va yo‘l-transport hodisalarining oldini olishga xizmat qiladi.
Qiymati 1 milliard 648 million so‘m bo‘lgan loyiha 2026-yilning ikkinchi mavsumida “Tashabbusli budjet” jarayonida aholi takliflari va jamoatchilik fikri asosida ilgari surilgan.
