DXX Chegara qo‘shinlariga qarashli Surxondaryodagi harbiy qismlardan birida kitobxonlik va intellektual bellashuv tashkil etildi.
Unda harbiy xizmatchilar badiiy adabiyot, mamlakatimiz tarixi va harbiy-vatanparvarlik mavzusidagi asarlar bo‘yicha bilimlarini sinovdan o‘tkazdi. Qizg‘in kechgan bahslarda ishtirokchilar topqirlik, mantiqiy fikrlash va jamoaviy hamjihatlik borasidagi mahoratini namoyish etdi.
Bellashuv yakunida g‘olib va sovrindor jamoalarga kubok, esdalik sovg‘alari hamda badiiy kitoblar topshirildi.
Tadbir harbiylar o‘rtasida kitobxonlikka qiziqishni oshirish va bo‘sh vaqtni mazmunli tashkil etishga xizmat qildi.
Islomjon Muxamadaliyev,
harbiy xizmatchi
