Surxondaryodagi DXX Chegara qo‘shinlariga qarashli harbiy qismlardan birida harbiy xizmatchilar ishtirokida onlayn qimor va totalizatorning salbiy oqibatlariga bag‘ishlangan profilaktik uchrashuv o‘tkazildi.
Muloqotda onlayn qimor o‘yinlarining insonning moliyaviy ahvoli, oilaviy munosabatlari va ruhiy holatiga ta’siri haqida hayotiy misollar asosida tushuntirishlar berildi. Shuningdek, bunday o‘yinlarga qaramlikning oldini olish, internetdan xavfsiz foydalanish va mablag‘ni mas’uliyat bilan sarflash masalalariga e’tibor qaratildi.
Uchrashuvda qimor va totalizatorga berilish nafaqat shaxsiy muammolarga, balki harbiy xizmatchining xizmat intizomi va obro‘siga ham salbiy ta’sir ko‘rsatishi ta’kidlandi.
Tadbir yakunida harbiy xizmatchilar internet imkoniyatlaridan oqilona foydalanish, vaqt va mablag‘ni foydali maqsadlarga yo‘naltirish yuzasidan tavsiyalar oldi.
Islomjon Muxamadaliyev,
harbiy xizmatchi
