Denov tumanidagi “Namozgoh” mahallasida “Harbiy – yugur” shiori ostida ommaviy yugurish musobaqasi o‘tkazildi. Shuningdek, “Talaba yugur” va “Inson uchun” marafonlari tashkil etildi.
Sport tadbirlarida mingdan ortiq ishtirokchi qatnashib, belgilangan masofalarda yugurdi. Tadbirning ochilishida Denov tumani hokimi Anvar Normamatov ishtirokchilarni qutlab, bunday ommaviy sport tadbirlari yoshlar va aholi o‘rtasida sog‘lom turmush tarzini targ‘ib qilishda muhim ekanini ta’kidladi.
Yugurishlar ko‘tarinki ruhda o‘tdi. Tadbir davomida ishtirokchilar xavfsizligini ta’minlash va jamoat tartibini saqlashga alohida e’tibor qaratildi.
