Angor tumanidagi 9-ko‘p tarmoqli maktab-internatda ko‘zi ojiz va zaif ko‘ruvchi bolalar bilan samimiy uchrashuv o‘tkazildi.
Unda Janubi-g‘arbiy maxsus harbiy okrug Janubiy operativ qo‘mondonligi boshlig‘i, polkovnik Mirsaid Shukurov ishtirok etdi. Muloqot davomida o‘quvchilar o‘zlarini qiziqtirgan savollar bilan murojaat qilib, ta’lim olish va iste’dodini namoyon etish uchun yaratilayotgan imkoniyatlar haqida suhbatlashdi.
Termiz garnizoni harbiy orkestrining chiqishi, o‘quvchilar ijrosidagi Vatan haqidagi kuy-qo‘shiq va she’rlar uchrashuvga ko‘tarinki ruh bag‘ishladi.
Tadbir yakunida bolajonlarga harbiylar tomonidan esdalik sovg‘alari topshirildi.
