Kitob mutolaasiga bo‘lgan qiziqishni qo‘llab-quvvatlash, ayniqsa, imkoniyati cheklangan kitobxonlarga qulay sharoit yaratish maqsadida Qumqo‘rg‘on tumanida xonadonma-xonadon axborot-kutubxona xizmati ko‘rsatilmoqda.
Surxondaryo viloyat ko‘zi ojizlar maxsus kutubxonasi Qumqo‘rg‘on tuman filiali xodimlari “Besh qahramon” MFYda yashovchi 2-guruh ko‘zi ojiz kitobxon Omonov Parda xonadoniga borib, unga ovozli o‘qish xizmatini ko‘rsatdi.
Bunday xizmat kitobxonlarning mutolaa imkoniyatlarini kengaytirish, ularning ma’naviy ehtiyojlarini qo‘llab-quvvatlash hamda kutubxona xizmatlarini aholiga yanada yaqinlashtirishga xizmat qilmoqda.
