Surxondaryo viloyati qo‘g‘irchoq teatrining ijodiy jamoasi Qashqadaryo viloyatiga gastrol safari bilan bordi. Ayni paytda teatr ijodkorlari Dehqonobod tumanidagi maktabgacha ta’lim tashkilotlarida tarbiyalanayotgan bolajonlarga “Musiqiy arava” nomli musiqali dasturini namoyish etmoqda.
Dastur davomida Ali va Valining qiziqarli sahnaviy chiqishlari, bolajonlar ishtirokidagi interaktiv o‘yinlar hamda “Kurash” kabi milliy o‘yinlar namoyish etilmoqda. Quvnoq tomoshalar kichik tomoshabinlarga ko‘tarinki kayfiyat ulashib, Dehqonobodliklar tomonidan iliq kutib olinmoqda. Gastrol safari davomida teatr jamoasi bolajonlarga unutilmas taassurotlar ulashishda davom etadi.
