Termiz shahrida O‘zbekiston Respublikasi Konstitutsiyasi qabul qilinganining 33 yilligi keng nishonlandi. Bayram doirasida tashkil etilgan piyoda yurish marafoni katta ko‘tarinkilik bilan o‘tdi. Unda yoshlar, faxriylar, turli soha vakillari hamda keng jamoatchilik faol ishtirok etdi.
Marafon yakunida Surxondaryo viloyat San’at saroyi oldida harbiy orkestr va faxriy qorovulning tantanavor chiqishlari namoyish etildi. Harbiylarning bir maromdagi yurishi, davlat madhiyasi sadolari va musiqiy kompozitsiyalar ishtirokchilarga yuqori kayfiyat ulashib, bayram shukuhini yanada oshirdi.
Tadbirlar Konstitutsiyamiz qadri, adolat va tenglik tamoyillarining bugungi kundagi o‘rni va ahamiyatini yodga solgan holda, fuqarolarda yurtga sadoqat, birdamlik va faxr tuyg‘ularini uyg‘otdi.
